Միացեք միլիոնավոր մարդկանց
 
     BEKO-ն կենցաղային սարքավորումների և սպառողական էլեկտրական տեխնիկայի առաջատար եվրոպական ապրանքանիշ է` ավելի քան 100 երկրների շուկաներւմ: BEKO ապրանքանիշի արտադրանքը ամբողջ աշխարհում վաճառվում է յուրաքանչյուր երկու վայրկյանը մեկ: BEKO-ի արտադրած  տեխնիկայի  սպառողների թիվը հասել է  250 միլիոնի, սակայն ակնհայտ է աճման միտումը: Սպառողների թվի ամենամյա աճը խոսում է նրանց  պահանջների բավարարվածության մասին: BEKO-ի տեխնիկան  բարձր որակի շնորհիվ, ինչի վկայությունը երկարաժամկետ օգտագործումն է, դարձել է այս ապրանքանիշը նախընտրողների  կենցաղի անբաժանելի մասը:

 
       Հայաստանում  BEKO ապրանքանիշի միակ ներկայացուցիչը` ԷԴ-ՍՊՈ ՍՊԸ-ն է, որը ներկայացնում է այն` սկսած 2002 թվականից: Ընկերությունը զբաղվում է կենցաղային, աուդիո - վիդեո տեխնիկայի և կահույքի ներմուծմամբ ու վաճառքով: Շնորհիվ  ԷԴ-ՍՊՈ սահմանափակ պատասխանատվությամբ ընկերության պրոֆեսիոնալ մարքետինգային քաղաքականության, այսօր BEKO ապրանքանիշը  առաջատարներից է  իր ոլորտում: 

Փոփոխվող պահանջների բավարարումը

Ամբողջ աշխարհում կենցաղային տեխնիկայի արտադրությունը  պարբերաբար հեղափոխություն է ապրում: Պատճառները պարզ են: Կյանքը շատ արագ փոխվում ու զարգանում է, զարգանում են նոր տեխնոլոգիաները, ըստ այդմ` փոփոխվում են նաև սպառողների պահանջները: Գնորդը ձգտում է, որպեսզի կյանքի  յուրաքանչյուր փուլում ինքը շրջապատված լինի հարմարավետությամբ, իսկ այս ամենն իր հերթին  ենթադրի նաև ժամանակի խնայողություն: Այդ իսկ պատճառով  BEKO ապրանքանիշը ձգտում է համընթաց քայլել ինչպես կյանքի արագավազ ռիթմին,  այնպես էլ գնորդների անձնական պահանջների զարգացմանը: Ամուսնությունը,  երեխայի ծնունդը  շատ տեղ զբաղեցնող, ժամանակակից տեխնիկայի համեմատ ավելի քիչ ֆունկացիաներ իրագործող հին տեխնիկան նորով փոխարինելու բնականոն պահանջ են արթնացնում յուրաքանչյուր ընտանիքում: Նկատի ունենալով այս փաստը, BEKO  ապրանքանիշն առաջարկում է շարժական և ներկառուցված   կենցաղային տեխնիկա` ի զորու  բավարարել սպառողի զանազան և անընդհատ փոփոխվող պահանջները: Առաջարկվող ապրանքանին  հենց այն է, ինչին ձգտում է   սպառողը` տարողունակության, ֆունկցիաների, որակի և կատարողականության տեսանկյունից: BEKO  կենցաղային խոշոր ապրանքատեսականին բաղկացած է ավելի քան 2000 մոդելից: Այս բազմազանության շնորհիվ BEKO-ն կարողանում է բավարարել  գնորդին`  կյանքի յուրաքանչյուր նոր բացվող էջում :

Կատարողականություն

Հնարավորինս քիչ ժամանակ, գումարած ցանկալի արդյունք: Սա է ժամանակակից մարդու նախընտրած բանաձևը: Գերծանրաբեռնված առօրյան ու տնային հոգսերն այս առումով անհամատեղելի են: BEKO ապրանքանիշի տեխնիկան  օժտված է  բազմակատարողականությամբ, ինչի շնորհիվ րոպեների ընթացքում հնարավոր է դառնում լուծել այնպիսի կենցաղային խնդիրներ, որոնք սովորաբար ժամեր են պահանջում: 
Ընտրություն կատարելիս մեծ տեղ է տրվում ապրանքանիշի հեղինակությանը և տրամադրվող երաշխիքային պայմաններին: Վճարվող  գումարի դիմաց` անթերի որակ և սպասարկման ձեռնտու պայմաններ: Սրանք են    սպառողի  պահանջներն` արտադրողից: BEKO-ի արտադրանքը քաջ հայտնի է թե իր որակով, թե երկարակեցությամբ ու վստահելիությամբ:

BEKO-ի արտադրությանը նպաստում է այս միջազգային ցանցը 

• ավելի քան 15000 աշխատողներ ամբողջ աշխարհում`  պարտավորված հոգ տանել սպառողի կարիքների մասին:
• 3 երկրներում 10 արտադրական գործարաններ, որոնցից յուրաքանչյուրը համապատասխանում է ISO 9001 & ISO14001 չափանիշներին:
• 13 առևտրական և սպառողական կազմակերպություններ ամբողջ աշխարհում:
• տեխնիկական սպասարկման կետեր: